Unwaith eto, mae blwyddyn arall wedi mynd heibio gan ddod \u00e2 newidiadau sylweddol i’r bartneriaeth mewn nifer o ffyrdd.<\/p>\n
Mae ein Swyddog Rheilffordd Cymunedol newydd, Karen Williams, bellach wedi ymgartrefu yn ei swydd, ac wedi creu argraff dda ar bawb gyda\u2019i brwdfrydedd wrth adeiladu ar y sylfeini a osodwyd gan Melanie Lawton. Rydym wedi gweld estyniad i ardal gweithredu\u2019r Bartneriaeth i gynnwys rhan o\u2019r lein o Gyffordd Llandudno i Gaergybi, sydd wedi golygu sefydlu cysylltiadau newydd ac asesu anghenion a dyheadau\u2019r gwahanol gymunedau ar hyd ei llwybr. Fel rhan o hyn, rydym wedi cynyddu ein cydweithrediad gydag Avanti West Coast ac rydym yn ddiolchgar i’r gweithredwr hwnnw am eu cefnogaeth.<\/p>\n
Mae\u2019r trefniadau cynnal newydd gyda Chreu Menter wedi gwreiddio\u2019n llwyddiannus ac yn gweithio\u2019n dda. Rydym wedi gweld lansiad Hwb Cymunedol newydd yng Llandudno, ac fe\u2019i hagorwyd gan Lesley Griffiths AS. Mae\u2019r hwb wedi dod ac ardal wag o\u2019r orsaf, a oedd gynt yn cynnwys Swyddfa Docynnau ac Ystafell Parseli, yn \u00f4l i ddefnydd. Mae sefydlu\u2019r Hwb wedi creu cyfleuster cymdeithasol gwerthfawr, ac mae ei ddatblygiad yn ganlyniad o gydweithio cadarnhaol rhwng Trafnidiaeth Cymru a Chartrefi Conwy.<\/p>\n
Mae perthnasau cadarn wedi cael eu sefydlu rhyngom ni a sefydliadau megis Mind a Phartneriaeth Tirwedd y Carneddau, sydd wedi arwain at gynnal gweithgareddau yn yr awyr agored a nifer o gyfleoedd cymdeithasol cynhwysol mewn cysylltiad \u00e2\u2019r rheilffordd. Yn sgil y cydweithio hynny rhwng y bartneriaeth rheilffordd, Mind a Phartneriaeth Tirwedd y Carneddau, cr\u00ebwyd y prosiect \u2018Cerdded er Lles\u2019, a roddodd gyfle i bobl leol fynychu teithiau cerdded ymwybyddiaeth ofalgar. Cyrhaeddodd y prosiect y rhestr fer yng ngwobrau\u2019r Rhwydwaith Rheilffyrdd Cymunedol, ac fe enillodd y 3ydd safle yn y categori \u201cYmgysylltu Gorau \u00e2\u2019r Gymuned\u201d. Mae ein gwaith yn parhau i geisio canfod sefydliadau tebyg a fyddai\u2019n elwa o gydweithio gyda\u2019i gilydd ar hyd ein rhannau o\u2019r rheilffordd. I\u2019r perwyl hwn, rydym yn awyddus i ehangu ein haelodaeth er mwyn cynnwys mwy o sefydliadau trydydd sector sydd hefyd ar waith yn y maes. O ran gweithredu mae Covid-19 wrth gwrs, wedi cael effaith sylweddol ar y diwydiant trafnidiaeth rheilffyrdd.<\/p>\n
Mae amserlenni dros dro wedi bod mewn defnydd ers peth amser, a\u2019r gobaith yw y bydd gweithredwyr yn cyflwyno gwasanaethau mwy cynhwysfawr yn y dyfodol agos. Mae gogledd Cymru yn dibynnu\u2019n fawr ar y sectorau hamdden a thwristiaeth, ac mae\u2019r gallu pobl i deithio i\u2019r ardal, yn enwedig o ardaloedd y canolbarth a gogledd-orllewin Lloegr, yn rhywbeth sydd angen ei wella.<\/p>\n
Rwyf yn ddiolchgar tu hwnt i Karen am ei chefnogaeth yn ystod y flwyddyn ddiwethaf, a hefyd i\u2019m his-gadeirydd, Annwen Daniels, sydd wedi bod yn gyswllt cymunedol gwerthfawr gyda Blaenau Ffestiniog. Mae wedi bod yn bleser gweithio ochr yn ochr \u00e2 phartneriaid amrywiol yn y diwydiant a sefydliadau eraill.<\/p>\n
Philip C Evans JP FIoL<\/p>\n